ગોત્રીમાં નશો: મોંઘી કારમાં બિયર પીને નીકળ્યો નબીરો, લોકોએ પકડીને પોલીસને સોંપ્યો! વડોદરાના ગોત્રી વિસ્તારમાં આજે એક નબીરાની બેજવાબદારી સામે આવી છે. નીલાંબર સર્કલ પાસેથી પસાર થતી એક મોંઘીદાટ કારના ચાલકને સ્થાનિકોએ નશામાં ધૂત હાલતમાં ઝડપી પાડ્યો હતો. કારની તલાશી લેતા તેમાંથી બિયરના ટીન મળી આવ્યા હતા, જેના પગલે સ્થાનિકોએ યુવકને ઘેરી લીધો હતો અને તાત્કાલિક ગોત્રી પોલીસને જાણ કરી હતી. પોલીસના કાફલાએ ઘટનાસ્થળે પહોંચીને નશામાં ધૂત યુવકને કસ્ટડીમાં લીધો છે. હાલ ગોત્રી પોલીસ દ્વારા આ સમગ્ર મામલે પ્રાથમિક તપાસ હાથ ધરવામાં આવી છે અને તે કાયદેસરની કાર્યવાહી કરી રહી છે.