नगरपरिषद भंडारा निवडणुकीत नगराध्यक्ष पदाच्या शिवसेनेच्या उमेदवार डॉ. अश्विनी भोंडेकर यांना पाठिंबा देणारे पत्र तेली समाज पंच कमिटीच्या लेटर पॅडवर प्रसिद्ध झाल्याप्रकरणी कमिटीने जाहीर माफी मागितली आहे. काल (२५ नोव्हेंबर रोजी) झालेल्या उपमुख्यमंत्री एकनाथ शिंदे यांच्या सभेत, तेली समाजातील काही मंडळींनी 'दबाव तंत्राचा' चुकीच्या पद्धतीने वापर करून हे पाठिंब्याचे पत्र जाहीर केले होते. कमिटीने स्पष्ट केले आहे की, हे निवेदन चुकीचे असून, त्यावर कसलाही पाठिंबा देण्यात आलेला नाही.