ગોધરા તાલુકાના સાંપા ગામે 21 ઓક્ટોબરના રોજ થયેલી ઝપાઝપીમાં તખ્તસિંહ રાભસિંહ બારીયાને ચાર વ્યક્તિઓએ માર માર્યો હતો. ધર્મેન્દ્ર, કલ્પેશ, રાધુસિંહ અને ચંદ્રસિંહ બારીયાએ અપશબ્દોને લઈને ઉશ્કેરાઈ તખ્તસિંહને લાકડી વડે માથામાં ફટકાર્યો અને અન્યોએ પણ મારપીટ કરી ઈજાઓ પહોંચાડી હતી. ઘટનાની ફરિયાદ તખ્તસિંહ બારીયાએ ગોધરા તાલુકા પોલીસમથકે નોંધાવી છે. પોલીસે ચારેય આરોપીઓ સામે ગુનો દાખલ કરી કાયદેસરની કાર્યવાહી શરૂ કરી છે.