ସୋର ଥାନା ତଳନଗର ପଞ୍ଚାୟତ ପଦନପଡା ଗାମରେ ଥିବା ତାରିଣୀ ମନ୍ଦିରରୁ ଗତକାଲି ବିଳମ୍ବିତ ରାତିରେ ଚୋରି ହୋଇଥିବା ନେଇ ଆଜି ସୋର ଥାନାରେ ଅଭିଯୋଗ ହୋଇଛି। ଅଭିଯୋଗ ଅନୁସାରେ ପ୍ରତିଦିନ ଭଳି ଗତକାଲି ପୁଜକ ପୁଜା ସାରି ମନ୍ଦିର ଚାବି ପକାଇ ଯାଇଥିଲେ। ମାତ୍ର ଆଜି ସକାଳେ ପୁଜା କରିବାକୁ ଆସିବା ବେଳେ ମନ୍ଦିରର ଚାବି ଭଙ୍ଗା ଯାଇ ଲକ୍ଷାଧିକ ଟଙ୍କାର ଗହଣା ସମେତ ଦାନ ବାକ୍ସ ଚୋରି ହୋଇଥିବା ଜାଣିବାକୁ ପାଇ ଗ୍ରାମବାସୀ ଙ୍କୁ ଜଣାଇଥିଲେ। ପରେ ଏନେଇ ସୋର ଥାନାରେ ଅଭିଯୋଗ କରିବାରୁ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡିଛି।