ବିଦ୍ୟୁତ ଫାଶ ପକାଇ ଜଙ୍ଗଲୀ ଜନ୍ତୁ ଶିକାର କରିବା ଶିକାରୀଙ୍କ ପାଇଁ ମହଙ୍ଗା ସାବ୍ୟସ୍ତ ହୋଇଛି । ୩ ଟୁ ବାର୍ହା ମୃତ ଦେହ ଜବତ ହୋଇଥିବା ବେଳେ ୧୧ ଜଣ ଶିକାରୀଙ୍କୁ ଗିରଫ କରି ବନବିଭାଗ ଆଜି ସନ୍ଧ୍ୟା ପ୍ରାୟ ୭ ଟାରେ କୋର୍ଟଚାଲାଣ କରିଛି । ମାତ୍ର ଜାମିନ ଆବେଦନ ଖାରଜ ହେବାରୁ ଉକ୍ତ ୧୧ ଜଣ ଶିକାରୀଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । ବୁଧବାର ରାତିରେ ଦେବଗଡ ଫରେଷ୍ଟ ସେକ୍ସନ ସୁନାମୁଣ୍ଡା ନିକଟ ଖସଡା ଜଙ୍ଗଲରେ ଜଙ୍ଗଲୀ ଜନ୍ତୁ ତଥା ବାର୍ହା ଶିକାର ପାଇଁ ବେଆଇନ ଭାବେ ୧୧-କେଭି ବିଦ୍ୟୁତରୁ ଜିଆଇ ତାର ଯୋଗେ ହୁକିଂ କରି ବିଦ୍ୟୁତ ଫାଶ ପକାଯାଇଥିଲା ।