ବାମରା ସମ୍ବଲପୁର ଜିଲ୍ଲା ବାମରା ବ୍ଲକ ସଦର ମହକୁମା ଠାରେ ପଶ୍ଚିମ ଓଡ଼ିଶା ପ୍ରସିଦ୍ଧ ମକର ମହୋତ୍ସବ ବୁଧବାର ଦିନ ହରିହର ମିଳନ ସହ ଆରମ୍ଭ ହୋଇ ଯାଇଛି। କେଛୁପାଣି ସ୍ଥିତ ଶ୍ରୀ ଧବଳେଶ୍ୱର ମନ୍ଦିର ରୁ ହର ମହାପ୍ରଭୁ ସୁସଜ୍ଜିତ ରଥରେ ଆସି ଗୋବିନ୍ଦପୁର ସ୍ଥିତ ମିଳନ ପଡ଼ିଆ କୁ ପହଞ୍ଚିଥିଲେ। କେଛୁପାଣି ଠାରୁ ୮ କିଲୋମିଟର ପର୍ଯ୍ୟନ୍ତ ଉକ୍ତ ରାଲି ଅନୁଷ୍ଠିତ ହୋଇଥିବା ବେଳେ ଏଥିରେ ବିଭିନ୍ନ କୀର୍ତ୍ତନ ମଣ୍ଡଳୀ, ଘଣ୍ଟ ବାଦ୍ୟ ଓ ଦୁଲଦୁଲି ର ତାଳେ ତାଳେ ମହିଳା ମାନେ ନୃତ୍ୟ କରି ମେଲଣ ପଡ଼ିଆ କୁ ପହଞ୍ଚିଥିଲା। ସେଠାରେ ହରିହର ମିଳନ ହୋଇଥିଲା।
