પદયાત્રામાં જોડાયેલા વિવિધ રાજ્યોના પદયાત્રીઓએ પોતાની વિશિષ્ટ પરંપરાગત વેશભૂષા, હાથમાં લહેરાતા તિરંગા અને ‘એક ભારત, શ્રેષ્ઠ ભારત’ તથા ‘સરદાર અમર રહો’ જેવા નારાઓ દ્વારા સમગ્ર માર્ગને દેશભક્તિમય બનાવી દીધો હતો. તેમણે પેમ્ફલેટ દ્વારા સ્થાનિકોને પદયાત્રામાં જોડાવા માટે પ્રેરિત પણ કર્યા હતા. મોટી રાવલ ખાતે આયોજિત સ્વાગત કાર્યક્રમમાં સાંસદ જશુભાઈ રાઠવા, જિલ્લા પંચાયત પ્રમુખ ભીમસિંહભાઈ તડવી, નાંદોદ ધારાસભ્ય ડો દર્શનાબેન દેશમુખ સ્થાનિક આગેવાનો જોડાયા.