ଦେବଗଡ: ବାରକୋଟ କାଳୀପୂଜା କମିଟୀ ପକ୍ଷରୁ ଆୟୋଜିତ ରାଜ୍ୟ ସ୍ତରୀୟ ଫୁଟବଲ ପ୍ରତିଯୋଗିତା ଉଦଯାପିତ, କୁଚିଣ୍ଡାର ବିଏଫସି ଚମ୍ପିୟାନ
Debagarh, Debagarh (Deogarh) | Oct 28, 2025
ବାରକୋଟ କାଳୀ ପୂଜା କମିଟୀ ଆନୁକୂଲ୍ୟରେ ଡଁରା ହାଇସ୍କୁଲ ଖେଳ ପଡିଆ ଠାରେ ଗତ ୨୪ ତାରିଖ ଠାରୁ ଆରମ୍ଭ ହୋଇଥିବା ରାଜ୍ୟ ସ୍ତରୀୟ ଫୁଟବଲ ପ୍ରତିଯୋଗିତା ମଙ୍ଗଳବାର ସନ୍ଧ୍ୟା ୬ ଟାରେ ଉଦଯାପିତ ହୋଇଯାଇଛି । ମୋଟ ୧୬ଟି ଦଳକୁ ନେଇ ଆୟୋଜିତ ହୋଇଥିବା ଏହି ପ୍ରତିଯୋଗିତାର ଫାଇନାଲ ମ୍ୟାଚରେ ବ୍ରଦର ଇଲେଭେନ ଫୁଟବଲ ଦଳକୁ ଟାଇବ୍ରେକର ସହାୟତାରେ ୪-୩ ଗୋଲରେ ପରାସ୍ତ କରି କୁଚିଣ୍ଡାର ବିଏଫ୍ସି ଚମ୍ପିୟାନ ହୋଇଥିଲା । ଫାଇନାଲ ମ୍ୟାଚକୁ ରେଫରୀ ଭାବେ ଅରୁଣ କୁମାର ଭୋଇ, ଜିତୁ ପାତ୍ର, ସୁବ୍ରତ ପୁରୋହିତ, ଶଶୀକାନ୍ତ ଦାଶିଆ, ଲିଙ୍ଗରାଜ ପ୍ରଧାନ ଓ ନିତ୍ୟାନନ୍ଦ ମେହେର ପରିଚାଳନା କରିଥିଲେ ।