ଜମନକିରା: ଜମନକିରା ବ୍ଲକ କାର୍ଯ୍ୟାଳୟ ରେ ଜିଲ୍ଲାପାଳଙ୍କ ଯୁଗ୍ମ ଅଭିଯୋଗ ଶୁଣାଣୀ ଶିବିର ଅନୁଷ୍ଠିତ
ଜମନକିରା ବ୍ଲକ କାର୍ଯ୍ୟାଳୟ ଠାରେ ସୋମବାର ଦିନ ସମ୍ବଲପୁର ଜିଲ୍ଲାପାଳଙ୍କ ଯୁଗ୍ମ ଅଭିଯୋଗ ଶୁଣାଣୀ ଶିବିର ଅନୁଷ୍ଠିତ ହୋଇଯାଇଛି। ଜମନକିରା ବିଡ଼ିଓ ରବୀନ୍ଦ୍ର ସେଠୀଙ୍କ ସଭାପତିତ୍ବରେ ଆୟୋଜିତ ହୋଇଥିବା ଉକ୍ତ ଅଭିଯୋଗ ଶୁଣାଣି ଶିବିର ରେ ସମ୍ବଲପୁର ଜିଲ୍ଲାପାଳ ସିଦ୍ଧେଶ୍ୱର ବଳିରାମ ବୋନ୍ଦର ଉପସ୍ଥିତ ରହି ଲୋକଙ୍କ ଅଭିଯୋଗ ଶୁଣିଥିଲେ। ଉକ୍ତ ଶିବିର ରେ ୩୩ ଗୋଟି ବ୍ୟକ୍ତିଗତ ଓ ୧୪ ଗୋଟି ଗୋଷ୍ଠିଗତ ଅଭିଯୋଗକୁ ମିଶାଇ ୪୭ ଗୋଟି ଅଭିଯୋଗ ଆସି ପହଞ୍ଚିଥିଲା। ସେ ମଧ୍ୟରୁ ଗୋଟିଏ ଅଭିଯୋଗ ଶିବିର ରେ ହିଁ ସମାଧାନ କରାଯାଇଥିଲା।