સુરતની ટુર્સ એન્ડ ટ્રાવેલ્સ કંપનીના પૂર્વ કર્મચારી સામે પોલીસ ફરિયાદ નોંધાઈ છે.ડેટા ચોરી કરી માલિક પાસે 1.20 કરોડ માંગ્યા હતા.પાંડેસરામાં રહેતો આરોપી રાહુલ રગડે ફરિયાદીની ટુર્સ એન્ડ ટ્રાવેલ્સ કંપનીમાં છેલ્લા અઢી વર્ષથી નોકરી કરતો હતો.શરૂઆતમાં તેણે માલિકનો વિશ્વાસ જીત્યો હતો.આ વિશ્વાસનો દુરુપયોગ કરીને તેણે મોટું કૌભાંડ આચર્યું. આરોપીએ નોકરી દરમિયાન ગુપ્ત રીતે કંપનીના ગ્રાહકોનો મહત્ત્વપૂર્ણ ડેટા ચોરી લીધો.