વાલિયા: ડહેલી ચોકડી પાસે સાઇકલ સવારને અજાણ્યા વાહન ચાલકે ટક્કર મારતા તેઓનું ટૂંકી સારવાર દરમિયાન સિવિલ હોસ્પિટલમાં મોત થયું
Valia, Bharuch | Nov 25, 2025 વાલિયા તાલુકાના ડહેલી ગામના રહેવાસી વિષ્ણુ છગનભાઇ વસાવા ગતરોજ મોડી સાંજે પોતાની સાઇકલ લઈ વાલિયાની ડહેલી ચોકડી પાસેથી પસાર થઈ રહ્યા હતા. તે દરમિયાન પૂરપાટ ઝડપે ધસી આવેલ અજાણ્યા વાહન ચાલકે સાઇકલ સવારને ટક્કર મારતા અકસ્માત સર્જાયો હતો. આ અકસ્માતમાં ઇજાગ્રસ્ત થયેલ વિષ્ણુ વસાવાને તાત્કાલિક સારવાર અર્થે ભરૂચની સિવિલ હોસ્પિટલમાં ખસેડવામાં આવ્યા હતા. જ્યારે ટૂંકી સારવાર દરમિયાન તેઓનું કરુણ મોત નીપજ્યું હતું.અકસ્માત અંગે વાલિયા પોલીસે તપાસ હાથ ધરી છે.