ଦେବଗଡ଼ ଜିଲ୍ଲା ରିଆମାଳ ବ୍ଲକ ଅନ୍ତର୍ଗତ ତିଲେଇପଶି ଗ୍ରାମର ଟିକିରା ନଦୀ ଉପରେ ସେତୁ ନିର୍ମାଣ ପାଇଁ ବୁଧବାର ସାତଟି ପଞ୍ଚାୟତର ଅଧିବାସୀ ମାନେ ସରପାଳ ନିକଟରେ ଜାତୀୟ ରାଜପଥ ଅବରୋଧ କରିଥିଲେ । ଯାହା ଫଳରେ ରାସ୍ତାର ଦୁଇ ପାର୍ଶ୍ଵରେ ଯାନବାହାନ ଅଟକି ରହିଥିଲା । ସକାଳ ୭ ଟାରୁ ସନ୍ଧ୍ୟା ପ୍ରାୟ ୫.୩୦ ପର୍ଯ୍ୟନ୍ତ ରାସ୍ତା ଅବରୋଧ ହୋଇଥିଲା । ସୂଚନା ଅନୁସାରେ ବୁଢ଼ାପାଳ ଠାରୁ ତିଲେଇପଶି ରାସ୍ତାର ଉନ୍ନତି କରଣ ପାଇଁ ଜିଲ୍ଲା ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ଦୁଇ ବର୍ଷ ତଳେ ଟେଣ୍ଡର ପ୍ରକ୍ରିୟା କରାଯାଇ ଟିକିରା ନଦୀରେ ସେତୁର କାର୍ୟ୍ୟ ଆରମ୍ଭ ହୋଇଥିଲା।