पनवेल महानगरपालिकेच्या मुख्यालयात आज बुधवार दिनांक २६ नोव्हेंबर २०२५ रोजी सकाळी ११ च्या सुमारास'संविधान दिवस’ निमित्त भारतीय संविधानाच्या उद्दिशिकेचे सामुहिक वाचन करण्यात आले. यावेळी आयुक्त मंगेश चितळे यांनी आपल्या संविधान उद्देशिकेबाबत जाणीव जागृती निर्माण व्हावी, स्वातंत्र्य, समता,बंधुता याबाबत सजग होण्याच्या उद्देशाने या संविधान उद्देशिकेचे वाचन करण्यात आल्याचे सांगितले. यावेळी अतिरीक्त आयुक्त गणेश शेटे, परिवहन विभाग व्यवस्थापक कैलास गावडे, उपायुक्त प्रसेनजित कारलेकर, उपायुक्त रवीकिरण घोडके, उपायुक्त स्वरूप खारगे ,मुख्य लेखाधिकारी मंगेश गावडे, मुख्य वैद्यकिय अधिकारी डॉ. आनंद गोसावी, सचिव अक्षय कदम, महापालिका अधिकारी व कर्मचारी मोठ्या संख्येने उपस्थित होते.