औसा -औसा तालुक्यातील भादा येथील चैतन्य ज्ञानेश्वर पाटील यांनी महाराष्ट्र लोकसेवा आयोगाच्या राज्य कर निरीक्षक स्टेट टॅक्स इन्स्पेक्टर या प्रतिष्ठित पदाची निवड मिळवत भादा गावाचे नावलौकिक वाढवले आहे. त्यांच्या या उल्लेखनीय यशाची दखल घेत भादा गावातील पाटील परिवारासह समस्त ग्रामस्थांनी चैतन्य यांचा भव्य सत्कार आज दिनांक सहा डिसेंबर रोजी दुपारी दोन वाजता करून गावाचा अभिमान द्विगुणित केला.