नागपूर शहर: नागपूर परिवहन समितीचा ५२४.५८ कोटींचा अर्थसंकल्प सादर; प्रवाशांच्या सोयींसाठी हायटेक सुविधांवर भर
नागपूर महानगरपालिकेच्या परिवहन समितीने आगामी वर्षासाठी ५२४.५८ कोटी रुपयांचा अर्थसंकल्प सादर केला आहे. परिवहन सभापती मंगला खेकरे यांनी हा अर्थसंकल्प सादर केला असून, समितीने याला मंजुरी दिली आहे. या अर्थसंकल्पात शहराच्या वाहतूक व्यवस्थेचा चेहरामोहरा बदलण्यासोबतच ग्रामीण भागात बस सेवा विस्तारण्यावर विशेष भर देण्यात आला आहे.