ఆత్మకూరు: సోమశిల జలాశయానికి భారీగా కొనసాగుతున్న వరద, పెన్నా డెల్టాకు 77,650 క్యూసెక్కుల నీరు విడుదల
నెల్లూరు జిల్లా, ఆత్మకూరు నియోజకవర్గం, అనంతసాగరం మండలం, సోమశిల జలాశయానికి భారీగా వరద కొనసాగుతుంది. శనివారం ఎగువ ప్రాంతాల నుంచి 71,109 క్యూసెక్కుల వరదనీరు వచ్చి చేరుతున్నట్లు అధికారులు తెలిపారు. పూర్తి సామర్థ్యం 78 TMCలు కాగా జలాశయంలో 70.300 TMCల నీటిమట్టం నమోదైంది. పెన్నా డెల్టాకు క్రస్ట్ గేట్ల ద్వారా 77,650 క్యూసెక్కులు, కండలేరుకు 560 క్యూసెక్కుల నీరు విడుదల చేస్తున్నారు. జలాశయానికి వరద మరింత పెరిగితే పెన్నా డెల్టాకు నీటి విడుదలను పెంచుతామని అధికారులు తెలిపారు.