वर्धा शहरात बॉलिंग स्किल गेम पार्लरच्या आड सुरू असलेल्या जुगार व्यवसायावर स्थानिक गुन्हे शाखेने धडक कारवाई केली आहे. वर्धा रेल्वे स्टेशनसमोरील नवदुर्गा बॉलिंग अॅली स्किल व्हिडिओ गेम पार्लरवर छापा टाकून पोलिसांनी जुगार खेळवणारे मालक, कर्मचारी व ग्राहकांसह दहा जणांविरुद्ध गुन्हा दाखल केला आहे. या कारवाईत इलेक्ट्रॉनिक मशीन, जुगाराचे साहित्य व रोख रक्कम असा एकूण ७६ हजार रुपयांचा मुद्देमाल जप्त करण्यात आला असून, बेकायदेशीर जुगार व्यवसायांवर पुढेही कठोर कारवाई केली जाईल, असा इशारा पोलिसांनी