अकोला जिल्ह्यातील बालापूर तालुक्यातील हातरूण गावात आज झालेल्या दुर्दैवी घटनेत एका आठ वर्षांच्या चिमुकल्याचा मृत्यू झाला. दुपारी वादळासह पाऊस आला असता मधुकर नारायण गावंडे यांच्या घराची भिंत कोसळली त्याच वेळी शेख हसनैन शेख बिस्मिल्लाह कुरेशी (वय ८) हा तेथून जात असताना भिंत त्याच्यावर कोसळली.गावकऱ्यांनी तात्काळ मदतीला धाव घेत हसनैनला बाहेर काढले आणि प्रथम स्थानिक रुग्णालयात तर नंतर अकोला जिल्हा रुग्णालयात हलवले. मात्र तोपर्यंत त्याचा मृत्यू झाला होता.