उन्हाळी सुट्ट्यांच्या पार्श्वभूमीवर प्रवाशांची वाढती गर्दी लक्षात घेऊन मध्य रेल्वेने १४८४ उन्हाळी विशेष गाड्या चालवण्याची घोषणा केली आहे. या विशेष गाड्यांमध्ये ७४९ आरक्षित तर ७३५ अनारक्षित गाड्यांचा समावेश करण्यात आला आहे. प्रवाशांना सुट्ट्यांमध्ये आपल्या कुटुंबीय व नातेवाईकांसोबत वेळ घालवण्यासाठी सुलभ प्रवास करता यावा, यासाठी ही व्यवस्था करण्यात आली आहे. या उन्हाळी विशेष गाड्यांमध्ये मागणीनुसार आधीपासून सुरू असलेल्या काही गाड्यांसोबतच अतिरिक्त विशेष गाड्यांचाही समावेश करण्यात आला आहे.