ଟିଟିଲାଗଡ: ଟିଟିଲାଗଡ଼ ସର୍ଗୀଗୁଡ଼ା ଅନ୍ତର୍ଗତ ମେହେର ପଡ଼ାର ନାବାଳିକାକୁ ଧରି ଫେରାର ମାରିଥିବା ଯୁବକକୁ ଗିରଫ କଲା ଟିଟିଲାଗଡ଼ ପୋଲିସ
ଗତ ନଭେମ୍ବର ୨୨ ତାରିଖ ଦିନ ଟିଟିଲାଗଡ଼ ସର୍ଗୀ ଗୁଡ଼ା ଅନ୍ତର୍ଗତ ମେହେର ପଡ଼ାର ଜଣେ ନାବାଳିକାକୁ ଧରି ଫେରାର ମାରିଥିଲା ନୀଳଚକ୍ର ନଗରର ଆନନ୍ଦ ଦାସ ଓରଫ ଛୋଟୁ। ତେବେ ନାବାଳିକାଙ୍କ ପରିବାର ପକ୍ଷରୁ ଥାନାରେ ଏତଲା ଦେବା ପରେ ମାମଲା ରୁଜୁ କରି ନାବାଳିକା ଝିଅକୁ ଖୋଜିବା ଆରମ୍ଭ କରିଥିଲା ଟିଟିଲାଗଡ଼ ପୋଲିସ। ଆଖପାଖ ଅଞ୍ଚଳରେ ଖୋଜା ଖୋଜି କରି ନ ପାଇବାରୁ ଗୁଜୁରାଟ ଯାଏଁ ଯାଇ ତଦନ୍ତ କରିଥିଲେ। ତେବେ ଶେଷରେ ପୋଲିସ ହାତରେ ଧରା ପଡ଼ିଲା ଅଭିଯୁକ୍ତ ଛୋଟୁ ଓରଫ ଆନନ୍ଦ ଦାସ। ତେବେ ନାବାଳିକାକୁ ତାଙ୍କ ଘର ଲୋକଙ୍କୁ ହସ୍ତାନ୍ତର କରିଥିବା ପୋଲିସ ସୂଚନା ଦେଇଛି।