जळगाव महानगरपालिका निवडणुकीच्या रणधुमाळीत महायुतीने आपला वरचष्मा कायम राखला आहे. प्रत्यक्ष मतदानापूर्वीच महायुतीच्या सहा उमेदवारांनी विजयाचा गुलाल उधळला असून, शुक्रवारी २ जानेवारी रोजी दुपारी २ वाजता अर्ज माघारीच्या शेवटच्या दिवशी मोठी राजकीय घडामोड घडली. भाजपचे ज्येष्ठ नेते तथा आमदार राजुमामा भोळे यांचे चिरंजीव विशाल भोळे यांची प्रभाग ७ 'क' मधून बिनविरोध निवड निश्चित झाली आहे.