राज्याचे वनमंत्री तथा पालघरचे पालकमंत्री गणेश नाईक यांच्या अध्यक्षतेत पालघर जिल्हाधिकारी कार्यालय येथे जिल्हा नियोजन समितीची बैठक संपन्न झाले. या बैठकीस आमदार राजेंद्र गावित,आमदार विनोद निकोले,आमदार हरिश्चंद्र भोये, आमदार स्नेहा दुबे पंडित,जिल्हाधिकारी डॉ. इंदूराणी जाखड, पोलीस अधीक्षक यतीश देशमुख आदींसह संबंधित विभागांचे अधिकारी उपस्थित होते. जिल्ह्यातील विविध विकास कामांचा या बैठकीत आढावा घेण्यात आला, त्याचप्रमाणे नवीन राबविण्यात येणाऱ्या योजनांबाबत सविस्तर चर्चा करण्यात आली.