माजलगाव: माजलगाव तालुक्यातील नित्रुड जवळ कुजलेल्या अवस्थेत मृतदेह आढळल्याने खळबळ उडाली, आठ दिवसापूर्वी मृत्यू झाला असल्याचा अंदाज
Manjlegaon, Beed | Dec 1, 2025
माजलगाव तालुक्यातील नित्रुडजवळ कुजलेल्या अवस्थेत एका वृद्धाचा मृतदेह सापडल्याची घटना सोमवारी (दि. १) दुपारी उघडकीस आली. दरम्यान दिंद्रुड पोलिसांनी घटनास्थळावर धाव घेत मृताची ओळख पटवली असून मृत्यू कशामुळे झाला यासाठी तपास सुरू केला आहे. पालखी महामार्गावरील माजलगाव ते तेलगाव राज्य महामार्गावर नित्रुड शिवारातील एका पडकात दुर्गंध येत असल्याकारणाने स्थानिकांनी पाहिले असता मृतदेह कुजलेल्या अवस्थेत आढळून आला. या माहितीवरून दिंद्रुड पोलिसांनी घटनास्थळी दाखल होत मृताची ओळख पटवली.