आज मंगळवारी दुपारी २ च्या सुमारास पनवेल विधानसभा मतदार संघात आमदार प्रशांत ठाकूर यांच्या निधीमधून सुकापूर येथे भगतवाडी घाटी आळी ते माथेरान रस्त्यापर्यत्तचे काँक्रिटीकरण करण्यात आले आहे. या रस्त्याचे उद्घाटन तसेच आमदार प्रशांत ठाकूर यांच्या प्रयत्नांमुळे जिल्हा नियोजन निधी मधून मंजूर झालेल्या आंगण हॉटेल ते जरीमरी मंदिर रस्त्याचे काँक्रिटीकरण कामाचे भूमिपूजन लक्ष्मीपूजनाच्या दिवशी आमदार प्रशांत ठाकूर आणि भाजपचे राज्य परिषद सदस्य अरुणशेठ भगत यांच्या हस्ते झाले. ऐन दिवाळीत या विकास कामांचा शुभारंभ झाल्याने भारतीय जनता पार्टीने सुकापूर परिसरातील नागरीकांना दिवाळीची भेट दिली आहे.