ଶ୍ରୀ ଶ୍ରୀ ଅଯୋଧ୍ୟା ଧାମ୍ ମହାପ୍ରଭୂ ଶ୍ରୀ ରାମ ଲାଲାଙ୍କ ନିମନ୍ତେ ଉଦ୍ଦିଷ୍ଟ କୋଦଣ୍ଡ ଧନୁ ସ୍ୱର୍ଣ୍ଣ ଧନୁଷ ଯାତ୍ରା ରାଉରକେଲାରୁ ଅଯୋଧ୍ୟା ଅଭିମୁଖେ ବାହାରି ଯାଇଛି। ରବିବାର ଦେବଗଡ ସହରରେ ପହଂଚିଥିବା ବେଳେ ଏହାକୁ ଭବ୍ୟ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା। ସନ୍ଧ୍ୟା ପ୍ରାୟ ୫ଟା ସମୟରେ କୋଦଣ୍ଡ ଧନୁ ଏକ ପୁଷ୍ପ ସୁସଜ୍ଜିତ ଯାନରେ ଆସି ଦେବଗଡ ଗୋପାଳଜୀଉ ମନ୍ଦିରରେ ପହଂଚିବା ପରେ ଏହାକୁ ପାରମ୍ପରିକ ରୀତିନୀତିରେ ପୂଜାର୍ଚ୍ଚନା କରାଯାଇଥିଲା । ପରେ ଭଜନ ଓ ସଂର୍କୀର୍ତନର ତାଳେ ତାଳେ ଏକ ଶୋଭାଯାତ୍ରାରେ ସନ୍ଧ୍ୟା 7 :30 ପର୍ଯ୍ୟନ୍ତ ପରିକ୍ରମା କରାଯାଇଥିଲା ।