ଜମନକିରା: ମଲଟିଟିକିରା ଗ୍ରାମ କୁ ନାହିଁ ରାସ୍ତା, ଖଟରେ ବୁହା ହେଲେ ରୋଗୀ
ଜମନକିରା ବ୍ଲକ କସଡ଼ା ପଞ୍ଚାୟତ ଅନ୍ତର୍ଗତ ମଲଟିଟିକିରା ଗ୍ରାମକୁ ରାସ୍ତା ନ ଥିବାରୁ ଜଣେ ରୋଗୀ ଖଟିଆ ରେ ବୁହା ହୋଇଥିବା ଭଳି ଏକ ଅଭାବନୀୟ ଘଟଣା ଦେଖିବା କୁ ମିଳିଛି। ସୂଚନା ଅନୁସାରେ ମଲଟିଟିକିରା ଗ୍ରାମର ମୈଥିଲି ବାଘଙ୍କ ଦେହ ଅସୁସ୍ଥତା ଥିବାରୁ ତାଙ୍କ ଘର ଲୋକେ ଶନିବାର ଦିନ ୧୦୮ ଆମ୍ବୁଲାନ୍ସ କୁ ଫୋନ୍ କରିଥିଲେ। କିନ୍ତୁ ଏହି ପଡାକୁ ଭଲ ରାସ୍ତା ନ ଥିବାରୁ ଆମ୍ବୁଲାନ୍ସ ଘର ପାଖକୁ ପହଁଞ୍ଚି ପାରିନଥିଲା ଯାହା ଫଳରେ ପରିବାର ଲୋକେ ମୈଥିଲିଙ୍କୁ ଖଟରେ ବୋହି ଆଣିଥିଲେ ଓ ପରେ ତାଙ୍କୁ ଆମ୍ବୁଲାନ୍ସ ରେ ଡାକ୍ତରଖାନା କୁ ନିଆଯାଇଥିଲା।