अकोला शहरातील न्यू तापडिया नगर परिसरात आज सकाळी अचानक बिबट्याच्या उपस्थितीमुळे एकच खळबळ उडाली. सकाळी सुमारे नऊच्या सुमारास पोलीस कर्मचारी विलास बंकावार यांच्या घरात बिबट्याने काच फोडून उडी मारल्याचा प्रकार घडला.मिळालेल्या माहितीनुसार, बंकावार यांच्या सासू घरातील पायरीवरून वर जात असताना त्यांना पायरीमध्येच बिबट झोपलेला दिसला. महिलेची चाहूल लागताच बिबट्याने थेट काच फोडत बाहेर पळ काढला आहे.