कामोठे येथील सेक्टर ३४ परिसरातील अनेक ठिकाणी गटारांची झाकणे तुटून आतमध्ये गेल्यामुळे त्या भागात पाणी साचण्याची गंभीर समस्या निर्माण झाली होती. साचलेल्या पाण्यामुळे डासांचा मोठ्या प्रमाणावर प्रादुर्भाव वाढून नागरिकांच्या आरोग्याला धोका निर्माण झाला होता. याबाबत स्थानिक नागरिकांमध्ये तीव्र नाराजी व्यक्त होत होती. नागरिकांच्या या तक्रारीची गांभीर्याने दखल घेत सातत्यपूर्ण पाठपुराव्यानंतर बुधवारी प्रत्यक्ष गटार झाकणे बदलण्याच्या कामास सुरुवात करण्यात आली आहे.या संर्दभात विकास घरत यांनी पाठपुरावा केला होता.