शासनाच्या विविध योजना नागरिकांपर्यंत पोहचवून विकासकामे अधिक जलदगतीने पूर्ण करण्यात येत आहे. त्यामुळे सर्वांगीण विकास हाच भाजपा सरकारचा मूलमंत्र असल्याचे प्रतिपादन आमदार देवराव भोंगळे यांनी केले. आसन (बू) येथील काँग्रेस व शेतकरी संघटनेच्या अनेक कार्यकर्त्यांनी आमदार देवराव भोंगळे यांच्या नेतृत्वावर विश्वास ठेवून राजुरा येथील भाजपा जनसंपर्क कार्यालयात आज दि. ५ डिसेंबर ला सायंकाळी ४ वाजता भाजपात जाहीर पक्षप्रवेश केला.यावेळी ते बोलत होते.