वर्धा: CCI कापूस, स्कॉलरशिप, अनुदान होल्ड; शेतकरी संतप्त:बँकेच्या कारभाराविरोधात अग्रणी बँकेत नितेश कराळेसह शेतकऱ्यांचा ठिय्या
सेलू तालुक्यातील रेहकी गावातील शेतकऱ्यांचे CCI कापूस, स्कॉलरशिप व अनुदानाची रक्कम बँक ऑफ इंडियाने होल्ड ठेवल्याचा आरोप करण्यात आला आहे. शासन निर्णय व कर्जमाफी असूनही शेतकऱ्यांना त्रास दिला जात असल्याचा आरोप राष्ट्रवादी (शरद पवार गट)चे प्रदेश प्रवक्ता नितेश कराळे यांनी केला. याप्रकरणी बँक मॅनेजरवर कारवाईच्या मागणीसाठी दिनांक 15 डिसेंबर रोजी दुपारी 3 वाजताच्या सुमारास शेतकऱ्यांसह नालवाडी येथील जिल्हा अग्रणी बँकेसमोर ठिय्या आंदोलन करण्यात आले.