शिवसेनेच्या वाढत्या जनसंपर्कात आणि आमदार नरेंद्र भोंडेकर यांच्या नेतृत्वावर विश्वास ठेवून भंडारा शहरातील प्रतिष्ठित महिला कार्यकर्त्यांनी दिनांक १० नोव्हेंबर रोजी दुपारी ३:३० वाजता दरम्यान शिवसेनेत अधिकृत पक्षप्रवेश केला. सामाजिक कार्यात सक्रिय असलेल्या स्नेहा भवते, स्वाती हेडाऊ, माधुरी खंगार, आणि संध्या रामटेके यांचा यामध्ये समावेश आहे. शहरातील नागरिकांशी आणि विशेषतः महिलांशी संबंधित प्रश्नांवर अधिक प्रभावीपणे काम करण्याच्या उद्देशाने त्यांनी हा निर्णय घेतल्याचे बोलले जाते.