ചാവക്കാട്: തൊട്ടാപ്പ് ലൈറ്റ് ഹൗസിന് മുകളിൽ കയറിയ സന്ദർശകൻ ഗുണ്ട് പൊട്ടിച്ചു, സ്ഫോടനത്തിൽ യുവാവിൻ്റെ കൈപ്പത്തി തകർന്നു
Chavakkad, Thrissur | Sep 14, 2025
മണത്തല ബേബി റോഡ് ആലുങ്ങൽ വീട്ടിൽ സൽമാൻ ഫാരിസ് ആണ് ഗുണ്ട് പൊട്ടിച്ചത്. വലതു കൈപ്പത്തി തകർന്ന ഇയാളെ തൃശ്ശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. തൊട്ടാപ്പ് ലൈറ്റ് ഹൗസിന് മുകളിൽ കയറിയാണ് ഇയാൾ ഗുണ്ട് പൊട്ടിച്ചത്. ഇന്ന് വൈകിട്ടാണ് സംഭവം. ലൈറ്റ് ഹൗസ് സന്ദർശിക്കാൻ സൽമാൻ ഫാരിസ് ഉൾപ്പെട്ട സംഘം മുകളിൽ കയറിയത്. ഇതിനിടയിലാണ് യുവാവ് കയ്യിൽ കരുതിയിരുന്ന ഗുണ്ട് പൊട്ടിച്ചതത്രേ. റീൽസ് വീഡിയോ ചിത്രീകരിക്കാനാണ് ഗുണ്ട്കയ്യിൽ കരുതിയിരുന്നതെന്നാണ് വിവരം.