ওদালগুৰি: ওৰাঙৰ বৰঝাৰত গোপাষ্টমী আৰু ৰাসমেলা উৎসৱ,প্ৰথম দিনাই আশ্ৰমখনত থকা ধাননী পথাৰত ধান খোৱা অনুষ্ঠানত এমচিএলএ শ্যাম চুন্ডী
এখন সোণোৱালী ধাননী পথাৰ। পথাৰৰ চাৰিও পিনে ভিৰ কৰিছে হাজাৰ হাজাৰ লোকে। ফটকাও ফুটিছে,জাকে জাকে গৰুও আহিছে পথাৰ খনত।গৰুৰ জাকটোৱে পথাৰত নামিয়েই খাবলৈ ধৰিলে ধান। আৰু তাৰ পিছতে হুৱাদুৱা লাগিল পথাৰ খনত। হাজাৰ হাজাৰ মানুহ নামি পৰিল পকা ধানৰ পথাৰ খনত। পিছে গৰু খেদিবলৈ পথাৰত নমা নাই এই সকল লোকে । মানুহেও এফালৰ পৰা তহিলং কৰি গৈছে ধাননী পথাৰ খন। গৰুৰ জাকটোক ধান খোৱাব চেষ্টা কৰিলে পথাৰ খনৰ ধানবোৰ। গৰুৱে খোৱাৰ পিছত এই অবশিষ্ট ধানবোৰ টনা আজৰা হয় লোক সকলৰ মাজত ।