કાલોલ તાલુકાના એરાલ ગામે રહેતા ઉમિયા સોલંકી જેસર ખાતે કોઈ કામ અર્થે ગયા હતા. કામ પતાવી તેઓ પોતાના એક્ટિવા પર સવાર થઈને પરત ઘરે ફરી રહ્યા હતા. પરત ફરતી વખતે, ભીખાપુરા ગામ નજીક અચાનક ઉમિયા સોલંકીને ચક્કર આવતા તેઓએ એક્ટિવા પરનો કાબૂ ગુમાવ્યો હતો અને રોડ પર નીચે પટકાયા હતા.આ અકસ્માતમાં તેમને ગંભીર ઈજાઓ પહોંચી હતી. તાત્કાલિક સ્થાનિક લોકોએ ૧૦૮ એમ્બ્યુલન્સને જાણ કરી હતી.૧૦૮ એમ્બ્યુલન્સની ટીમે ઘટનાસ્થળે પહોંચી ઈજાગ્રસ્ત ઉમિયા સોલંકીને તાત્કાલિક સારવાર અર્થે ગોધરા સિવિલ હોસ્પિટલ ખાતે ખસેડ્યા હતા.