3 डिसेंबर जागतिक दिव्यांग दिनाच्या अनुषंगाने दि.5 डिसेंबर 2025 रोजी रोटरी क्लब ऑफ पनवेल इंडस्ट्रियल टाउन चॅरिटेबल ट्रस्ट संचलित श्रीमती राधाबाई खेमचंद परमार रोटरी कर्णबधीर मुलांच्या विशेष शाळेतर्फे नवीन पनवेल परिसरात दिव्यांग जनजागृती रॅली आयोजन करण्यात आले होते. या रॅलीत दिव्यांग जनजागृतीचे तयार केलेले संदेश, फलक आणि घोषवाक्य हे रॅलीचे विशेष आकर्षण ठरले. वरिष्ठ पोलीस निरीक्षक वाहतूक शाखा पनवेल यांच्यातर्फे रॅली मधील सहभागी विद्यार्थ्यांना कॅडबरी व पाणी बॉटलचे वाटप करण्यात आले.