नागपूर ग्रामीण: नागपूरकरांची वीज समस्या: आमदार विकास ठाकरेंच्या आक्रमक भूमिकेनंतर मुख्यमंत्र्यांकडून कारवाईचे आश्वासन
नागपूर जिल्ह्यात दोन मोठे औष्णिक वीज प्रकल्प असूनही उन्हाळ्यात वीजपुरवठ्यात होणारा वारंवार व्यत्यय आणि रात्रीच्या वेळी होणारी वीज कपात या गंभीर प्रश्नाकडे नागपूर पश्चिमचे आमदार विकास ठाकरे यांनी विधानसभेत सरकारचे लक्ष वेधले. या समस्येमुळे नागपूरकर त्रस्त असून त्यांना मोठा मनस्ताप सहन करावा लागत असल्याचे त्यांनी सभागृहात स्पष्ट केले.