पेट्रोल पंपासाठी लागणारे 'ना हरकत प्रमाणपत्र' देण्यासाठी १५ हजार रुपयांची लाच स्वीकारताना सार्वजनिक बांधकाम विभागातील एका आरेखकाला धुळे लाचलुचपत प्रतिबंधक विभागाने रंगेहाथ पकडले आहे. वासुदेव धोंडू पाथरवट (वय ५३, रा. भुसावळ) असे अटक करण्यात आलेल्या अधिकाऱ्याचे नाव असून, ही कारवाई सोमवार, २४ नोव्हेंबर रोजी दुपारी ४ वाजता सार्वजनिक बांधकाम विभागाच्या कार्यालयात करण्यात आली. याबाबत रात्री ९ वाजता जिल्हापेठ पोलीस ठाण्यात गुन्हा दाखल करण्यात आला.