‘माझी वसुंधरा अभियान 6.0’ अंतर्गत पनवेल महानगरपालिकेमार्फत अक्षय ऊर्जा प्रोत्साहन उपक्रमाचा समारोप रामशेठ ठाकूर उच्च माध्यमिक विद्यालय खारघर येथे नुकतेच करण्यात आला. आयुक्त मंगेश चितळे यांच्या मार्गदर्शनाखाली घेण्यात येत असलेल्या या उपक्रमांतर्गत पर्यावरण विषयावर आधारित निबंध लेखन, पोस्टर बनविणे, वक्तृत्व स्पर्धा, प्रश्नमंजुषा स्पर्धा, पॅनेल चर्चा, तज्ज्ञ चर्चा, यांसारख्या स्पर्धांचे आयोजन करण्यात आले आहे. अशी माहिती आज बुधवारी दुपारी ४ च्या सुमारास पनवेल महापालिकेने दिली आहे. या उपक्रमाचा उद्देश नागरिकांमध्ये, विद्यार्थ्यामध्ये अक्षय ऊर्जेचे महत्त्व, ऊर्जा संवर्धन, पर्यावरणपूरक जीवनशैली आणि हरित उपक्रमांविषयी जनजागृती निर्माण करणे हा आहे. विद्यार्थ्यांमध्ये पर्यावरण संवर्धनाची भावना दृढ करण्यादृष्टीने ई-वेस्ट संकलन मोहिम, लघुपट प्रदर्शन आणि वृक्षारोपण कार्यक्रम आयोजन या उपक्रमांतर्गत करण्यात आले.
