ગોધરા: LCB પોલીસે બાકરોલ નજીક થી ચોરીની બાઈક સાથે એક ઈસમ ને ઝડપ્યો,વડોદરાના ગુનાનો ભેદ ઉકેલાયો
Godhra, Panch Mahals | Sep 14, 2025
પંચમહાલ એલસીબીએ કાલોલના બાકરોલ ગામેથી ચોરીની મોટરસાયકલ સાથે એક યુવકની ધરપકડ કરી છે. આ યુવક પાસેથી ₹૩૦,૦૦૦ની કિંમતની હીરો એચ.એફ. ડીલક્સ મોટરસાયકલ જપ્ત કરવામાં આવી છે. પોલીસની પૂછપરછમાં તેણે આ બાઈક વડોદરામાંથી ચોરાઈ હોવાનું કબૂલ્યું છે, જેના પગલે વડોદરા શહેરના રાવપુરા પોલીસ સ્ટેશનમાં નોંધાયેલા મોટરસાયકલ ચોરીના ગુનાનો ભેદ ઉકેલાઈ ગયો છે. આ મામલે પોલીસે મુખ્ય આરોપી રજનીકાંત પારેખ સહિત બે ઈસમો વિરુદ્ધ કાયદેસરની કાર્યવાહી હાથ ધરી છે.