कन्नड शहरातील शिवनगरमध्ये बंदी असलेल्या नायलॉन मांजाची चोरीछुपे विक्री करणाऱ्यावर पोलिसांनी धडक कारवाई केली. स्थानिक गुन्हे शाखेला मिळालेल्या माहितीच्या आधारे 10 डिसेंबर रोजी सायंकाळी छापा टाकण्यात आला. छाप्यात ७,६४० रुपये किमतीचा नायलॉन मांजा जप्त करण्यात आला. या प्रकरणी शेख नासेर शेख कबीर (रा. शिवनगर) यांच्याविरुद्ध शहर पोलीस ठाण्यात गुन्हा दाखल करण्यात आला आहे. आरोपीला ताब्यात घेऊन पुढील तपास सुरू आहे. बंदी असलेल्या मांजाची विक्री रोखण्यासाठी पोलिसांची ही कारवाई प्रभावी ठरली.