दर्यापूर: तहसील कार्यालय दर्यापूर येथे शेतकरी संघटनेतर्फे “ मुख्यमंत्री देवेंद्र फडणवीस पॅकेजची होळी”
दर्यापूर येथील तहसील कार्यालय येथे आज दुपारी १ वाजता शेतकरी संघटनेच्या वतीने मुख्यमंत्री देवेंद्र फडणवीस पॅकेजची होळी करण्यात आली.राज्य सरकारने नुकतेच जाहीर केलेले ३१,६२८ कोटी रुपयांचे शेतकरी मदत पॅकेज हे केवळ आकड्यांची जादू असून, शेतकऱ्यांच्या जखमेवर मीठ चोळण्यासारखे आहे,असा आरोप करत शेतकरी संघटनेने तहसील कार्यालय येथे ठिय्या आंदोलन केले.या निषेधार्थ दुपारी तहसील कार्यालयासमोर “मुख्यमंत्री देवेंद्र फडणवीस यांच्या पॅकेजची होळी करुन संताप व्यक्त केला.