धुळे: कुसुंबा गावाजवळ 'करन्सी' दुप्पट करण्याच्या बहाण्याने तरुणाला लुटले; इन्स्टाग्राम रीलद्वारे साधला होता संपर्क
Dhule, Dhule | Sep 14, 2025
धुळे तालुक्यातील कुसुंबा गावाबाहेर मालेगाव रोडवरील उड्डाणपुलाखाली निर्जनस्थळी एका तरुणाला लुटल्याची घटना उघडकीस आली आहे. १२ सप्टेंबर रोजी मध्यरात्री 'करन्सी' दुप्पट करून देण्याचे आमिष दाखवून ही जबरी लूट करण्यात आली. आरोपींनी चाकूचा धाक दाखवून तरुणाकडील ४० हजार रुपयांची रोकड लंपास केली. याप्रकरणी धुळे तालुका पोलीस ठाण्यात दोन जणांविरोधात गुन्हा दाखल करण्यात आला आहे.