आज शनिवार दिनांक २५ ऑक्टोबर २०२५ रोजी दुपारी २ च्या सुमारास महाड विधानसभा मतदारसंघातील विन्हेरे विभाग, आंबवली येथे जिल्हा वार्षिक योजना अंतर्गत उभारलेल्या दोन नवीन मराठी शाळेच्या वर्ग खोल्यांचे उद्घाटन कॅबिनेट मंत्री भरतशेठ गोगावले यांच्याहस्ते संपन्न झाले. या नव्या वर्ग खोल्यांमुळे विद्यार्थ्यांना अधिक चांगले शैक्षणिक वातावरण उपलब्ध होणार असून, शिक्षणाचा दर्जा उंचावण्याच्या दिशेने हा एक महत्त्वाचा टप्पा आहे. यावेळी अनेक कार्यकर्ते पदाधिकारी उपस्थित होते.