ગાંધીધામ બી ડિવિઝન પોલીસ દ્વારા કડક સુરક્ષા વ્યવસ્થાના ભાગરૂપે તારીખ 30/12/2025 ના રોજ મોડી સાંજે સઘન વાહન ચેકિંગ હાથ ધરવામાં આવ્યું હતું. ગાંધીધામ બી ડિવિઝન પોલીસ મથકની ટીમે શહેરના મુખ્ય માર્ગો અને સંવેદનશીલ વિસ્તારોમાં નાકાબંધી કરી હતી. આ કામગીરી દરમિયાન નશો કરીને વાહન ચલાવતા તત્વોને પકડવા માટે 'બ્રેથ એનેલાઈઝર' મશીનનો વ્યાપક ઉપયોગ કરવામાં આવ્યો હતો. પોલીસની આ આક્રમક કાર્યવાહીથી અસામાજિક તત્વોમાં ફફડાટ ફેલાયો હતો.