पनवेल पंचायत समितीच्या सार्वत्रिक निवडणुकीत भारतीय जनता पक्षाने इतिहास घडवत एकहाती सत्ता मिळवली आहे. भाजप महायुतीने पनवेल पंचायत समितीच्या 16 पैकी तब्बल 15 जागांवर दणदणीत विजय साकारून शेकापप्रणित महाविकास आघाडीची मक्तेदारी मोडित काढली. त्यानंतर येथील प्रतिष्ठेच्या सभापतीपदासाठी रंजना सदाशिव वास्कर तर उपसभापतीपदी भूपेंद्र पाटील यांच्या नावावर पक्षाने शिक्कामोर्तब केले असून त्यांनी माजी खासदार लोकनेते रामशेठ ठाकूर यांची भेट घेत आशीर्वाद घेतले.