खोपोली नगर परिषदेच्या उपनगराध्यक्षपदी भारतीय जनता पक्ष आणि शिवसेना महायुतीचे विक्रम साबळे यांची बिनविरोध निवड करण्यात आली आहे. या निवडीची घोषणा होताच नगरपरिषद परिसरात समर्थकांनी गुलालाची उधळण करत आणि फटाक्यांची आतिषबाजी करत जल्लोष केला. उपनगराध्यक्ष निवडीसोबतच रिक्त असलेल्या स्वीकृत नगरसेवक पदासाठी शिवसेनेचे दिनेश थोरवे, राष्ट्रवादी काँग्रेसचे सुनील पाटील आणि भारतीय जनता पक्षाच्या अश्विनी अत्रे यांची नियुक्ती करण्यात आली आहे.