जळगाव महानगरपालिका निवडणुकीच्या रिंगणात महायुती विरुद्ध बंडखोर असा संघर्ष आता पेटला आहे. प्रभाग क्रमांक १३ मध्ये भारतीय जनता पक्षाच्या नावाचा वापर करून काही अपक्ष उमेदवार मतदारांची दिशाभूल करत असल्याचा गंभीर प्रकार समोर आला आहे. या पार्श्वभूमीवर, भाजप महानगराध्यक्ष दिपक सुर्यवंशी यांनी बुधवारी ७ जानेवारी रोजी दिलेल्या प्रसिद्धी पत्रकाद्वारे स्पष्ट केले आहे की, अशा बंडखोर उमेदवारांचा भारतीय जनता पक्षाशी कोणताही संबंध नाही.