तपासणीमध्ये प्लास्टिक पिशव्या अथवा एकल वापर प्लास्टिक वस्तू आढळल्यास दंडात्मक कारवाई करण्यात येत आहे. या अंतर्गत ऑक्टोबर महिन्यात 5 दुकाने, आस्थापनांवर कारवाई करित रु.25 हजार इतकी दंडात्मक रक्कम वसूल करण्यात आली असून 6.700 किलो एकल वापर प्लास्टिक जप्त करण्यात आले आहे. या तपासणी मोहीमेंतर्गत नोव्हेंबर महिन्यातही 23 नोव्हेंबर पर्यंत 28 दुकाने, आस्थापना या ठिकाणी प्लास्टिक पिशव्या व एकल वापर प्लास्टिकचा उपयोग केला जात असल्याचे आढळल्याने एकूण 1 लक्ष 40 हजार इतकी दंडात्मक रक्कम वसूल करण्यात आली आहे. तसेच 46 किलो 600 ग्रॅम एकल वापर प्लास्टिक जप्त करण्यात आले आहे.