ବାଲି ଚୋରାଚାଲାଣ ମହଙ୍ଗା ପଡିଲା । ଲକ୍ଷାଧିକ ଟଙ୍କା ଜରିମାନା ଗଣିଲେ ହାଇୱା ମାଲିକ । ବଣେଇ ଅଂଚଳରୁ ବେଆଇନ ଭାବେ ବାଲି ଆଣି ଦେବଗଡ ଜିଲ୍ଲା ଦେଇ ଜମନକିରା ଅଂଚଳକୁ ଗତକାଲି ବାଲି ଚୋରାଚାଲାଣ କରାଯାଉଥିଲା । ବିଶ୍ୱସ୍ତ ସୂତ୍ରରୁ ସୂଚନା ପାଇ ପୋଲିସ ସହାୟତାରେ ଜିଲ୍ଲା ଖଣି ବିଭାଗ ଦେବଗଡ ପୌରାଂଚଳ ପୁରୁଣାଗଡ ଓଭରବ୍ରିଜ ଠାରେ ଚଢଉ କରିଥିଲା । ଉକ୍ତ ସମୟରେ (ଓଡି-୨୮-ଏ-୧୦୫୭ ଏବଂ ଓଡି-୨୮-ଏ-୩୮୯୯) ନମ୍ବର ଥିବା ୨ ହାଇୱା ବେଆଇନ ଭାବେ ବାଲି ଚୋରାଚାଲାଣ କରୁଥିବା ବେଳେ ଜିଲ୍ଲା ଖଣି ବିଭାଗ ଉକ୍ତ ହାଇୱା ଦ୍ୱୟକୁ ଜବତ କରିଥିଲା ।