अकोला : शहर कचरामुक्त करण्याच्या उद्देशाने अकोला महापालिकेच्या कचरा संकलन सेवेत आणखी बळकटी देत आज 17 नोव्हेंबर रोजी दुपारी 5 वाजता मनपा अतिरिक्त आयुक्त सुमेध अलोने यांच्या हस्ते 23 नवीन ई-कचरा घंटागाड्यांचे लोकार्पण करण्यात आले. अर्बन इन्व्हायरो कंपनीमार्फत कचरा संकलन सुरू असून वाढत्या गरजेनुसार ही वाहने पूरक ठरणार आहेत. नागरिकांनी ओला व सुका कचरा वेगळा करून फक्त घंटागाडीतच टाकावा, अशी विनंती अलोने यांनी केली. कार्यक्रमाला मनपा अधिकारी व स्वच्छता विभाग उपस्थित होते.